Dzıýdo: Dıdar Hamza «Grand Slam» týrnıriniń qola júldegeri atandy
ASTANA. QazAqparat - Qazaqstandyq dzıýdoshy Dıdar Hamza Ábý-Dabıde ótip jatqan «Grand Slam» týrnırinde qola júldeger atandy, dep habarlaıdy QazAqparat tilshisi.
Qazaqstan dzıýdo federatsııasynyń saıtynan alynǵan málimetke qaraǵanda, 81 kg salmaqta tatamıge shyqqan Dıdar jubanysh fınalynda álem chempıony, ıran palýany Saıd Mollaıdan basym tústi.
Týrnır barysynda D.Hamza aldymen qyrǵyzstandyq Vladımır Zoloevty, sosyn reseılik Aslan Lappınagovty jeńdi. Shırek fınalda Izraıl eliniń ókili Mýkı Sagıge ese jibergenimen, jubanysh beldesýinde bolgarııalyq Ivaılo Ivanovty utyp, qola júlde úshin kúresýge múmkindik aldy.
Bul - qazaqstandyqtardyń "Grand Slam" týrnırindegi úshinshi medali.
Eske sala keteıik, buǵan deıin Erjan Serikjanovtyń kúmis, Ǵusman Qyrǵyzbaevtyń qola júlde alǵanyn jazǵan bolatynbyz.
