Dzıýdo: Bes balýanymyz Azııa birinshiliginiń qola medaline talasady

ASTANA. KAZINFORM – Qazaqstandyq bes balýan Qytaıdyń Gonkong qalasynda dzıýdodan ótip jatqan Azııa chempıonatynyń qola júldesine talasady.

Atap aıtsaq, Gonkongta ótip jatqan Azııa chempıonatynda Ulttyq quramanyń 3 dzıýdoshysy jartylaı fınalda qarsylasyna ese jiberdi.

Abıba Abýjaqynova (-48 kg) men Ǵusman Qyrǵyzbaev (-66 kg) golden-skorda mońǵolııalyq qarsylasynan utyldy. Al Nurqanat Serikbaev (-60 kg) Tokıo Olımpıadasynyń kúmis, álem chempıonatynyń qola júldegeri (2022 jyl) ıAn ıÝnveıge shıdo sany boıynsha jol berdi.

Jubanysh beldesýinde Ǵalııa Tynbaeva (-48 kg) Sý Song Jonnyń jolyn kesse, al Janarys Rahmetqalı (-66 kg) qyrǵyz sportshysy Qýanyshbek Aıbekýýlýdan aılasyn asyrdy.

Endi keshki sessııada Abıba men Ǵalııa, Ǵusman men Janarys qola medal úshin bir-birimen kúresedi.

Nurqanat Serikbaev jubanysh kezdesýinde qarsylasy Eldos Smetovten basym bolǵan mońǵolııalyq dzıýdoshymen kúsh synasady.

Atalǵan týrnırde qazaqstandyq Olımpıada oıyndarynyń júldegeri Eldos Smetov shırek fınaldan ary asa almady. Ol Azııa chempıonatynyń shırek fınalynda 3 ret eskertý alyp,

2023 jylǵy Ýnıversıadanyń jeńimpazy, jasóspirimder arasyndaǵy álem chempıony (2022 jyl) japondyq Taıkı Nakamýraǵa jol berdi.

Endi Eldos Smetov qola medal jolynda jubanysh beldesýine shyǵady.

Otandasymyz alǵashqy beldesýinde Soltústik Koreıa dzıýdoshysyn golden-skorda utqan.