Dzıýdo: Baýyrjan Narbaev Tel-Avıvte álemdik «Grand Slam» týrnıriniń kúmis júldegeri atandy
NUR-SULTAN. QazAqparat – Qazaqstandyq Baýyrjan Narbaev Tel-Avıvte (Izraıl) dzıýdodan ótip jatqan álemdik «Grand Slam» týrnıriniń kúmis júldegeri atandy, dep habarlaıdy QazAqparat tilshisi.
B.Narbaev 60 kelige deıingi salmaqta fınalda ǵana ýkraınalyq Artem Lesıýkke jol berdi.
Taǵy bir qazaqstandyq Maǵjan Shamshadın dál osy salmaqta úzdik úshtikke ilikti. Ol qola júlde úshin ázerbaıjandyq Karamat Gýseınovpen beldesýi kerek edi. Alaıda qarsylasy tatamıge shyqpaı qaldy da, jeńis Maǵjanǵa berildi.
Bul – dzıýdodan Qazaqstan ulttyq quramasynyń bıylǵy alǵashqy jarysy.
Osy dodada 66 kelige deıingi salmaqta tatamıge shyqqan Eldos Smetov ekinshi beldesýinde qarsylasyna ese jiberip aldy.
Sondaı-aq 66 kg salmaqta kúresken Ǵusman Qyrǵyzbaev qola júlde úshin beldesýde ýkraınalyq Bogdan ıAdovtan utylyp qaldy.
Eske sala keteıik, budan buryn Eldos Smetovtiń álemdik týrnırge jańa salmaqta qatysatynyn jazǵan bolatynbyz.
