Dzıýdo: Batysqazaqstandyq jas palýan álem chempıonatynyń kúmis júldegerin utty
ORAL. QazAqparat - Oraldaǵy tennıs ortalyǵynda dzıýdodan QR V jazǵy spartakıadasy ótýde, dep habarlaıdy QazAqparat tilshisi.
Aıtýly dodaǵa Nur-Sultan, Almaty, Shymkent qalalary men Qazaqstannyń 14 oblysynan dzıýdoshylar qatysyp, baq synaýda.
Jarystyń alǵashqy kúni erler arasynda 60, 66, 73, áıelder arasynda 48, 52, 57 jáne 63 kg salmaqta jeńimpaz-júldegerler anyqtaldy.
Eń kútpegen nátıje 60 kg salmaqta tirkeldi. Fınaldyq básekede álem chempıonatynyń kúmis júldegeri, aqtóbelik Rústem Ibraev pen batysqazaqstandyq Toqtar Úmitálıev tatamıge shyqty. M.Ótemisov atyndaǵy Batys Qazaqstan memlekettik ýnıversıteti dene shynyqtyrý jáne sport fakýltetiniń stýdenti, 21 jasar T.Úmitálıev dańqty qarsylasyn ıpponmen taza jeńip, spartakıada chempıony atandy.
Spartakıadaǵa kelgen sportshylardyń ishinde eń ataqtysy da osy R.Ibraev bolatyn.
Erteń erler 81, 90, 100 jáne +100 kg, áıelder 70, 78 jáne +78 kg salmaqta synǵa túsedi.
9 maýsym, sońǵy kúni aralas komandalyq jarysta erler 73, 90, +90, áıelder 57, 70, +70 kg salmaqtarda tatamıge shyǵady.
Eske sala keteıik, budan buryn Oralda eskek esýden QR V jazǵy spartakıadasy ótip jatqanyn jazǵan bolatynbyz.
