Dzıýdo: Bapkerlerge arnalǵan halyqaralyq tehnıkalyq semınar ótedi
ASTANA. QazAqparat - Almaty qalasyndaǵy Dzıýdo akademııasynda 14-19 jeltoqsan kúnderi Táýelsizdiktiń 25 jyldyǵyna oraı QR Dzıýdo federatsııasynyń uıymdastyrýymen jattyqtyrýshylarǵa arnalǵan halyqaralyq tehnıkalyq semınar ótedi, dep habarlaıdy QazAqparat Qazaqstan Dzıýdo federatsııasynyń baspasóz qyzmetine silteme jasap.
Elimizde alǵash ret uıymdastyrylyp otyrǵan sharaǵa shet elden bilikti bapkerler teorııa men tájirıbeni ushtastyra otyryp, jattyqtyrýshylardyń biliktiligin arttyrady.
Qazaqstan Respýblıkasy Ulttyq Olımpıadalyq komıteti men Halyqaralyq Dzıýdo federatsııasynyń erejelerine sáıkes, jattyqtyrýshylarǵa arnalǵan kýrs eki deńgeıde ótkiziledi.
Semınar «Ramada Almaty» qonaq úıinde ótedi. Kýrstyń basty maqsaty - dzıýdony nasıhattaý jáne bul sport túrin elimizde damytý, bapkerlerdiń jalpy ustanymdaryna, biliktilikterin arttyrýǵa jáne koýchıng tájirıbesin nyǵaıtýǵa baǵyttalǵan. Sonymen qatar bapkerler kýrsy Qazaqstannyń barlyq sport mektepterine usynylady (balalar men jasóspirimderdiń sport mektepteri, sport sheberleriniń orta mektepteri, ulttyq komandalardy bekitetin keńes), sonyń ishinde jańa júıege qyzyǵýshylyq tanytqan, halyqaralyq dzıýdo federatsııasynyń jetekshi mamandarynan, halyqaralyq sarapshylardan bilim alǵysy keletin kez kelgen adam qatysa alady.
