Dzıýdo: Áskerıler arasyndaǵy álem chempıonatynda qazaqstandyqtar 4 medal utyp aldy
ASTANA. 5 shilde. QazAqparat - Astanada áskerı qyzmetkerler arasyndaǵy dzıýdodan álem chempıonatynyń sońǵy kúni ótip jatyr. Oǵan 28 eldiń 200-den astam balýany qatysýda. Olardyń qatarynda álemniń eń myqty dzıýdoshylary bar.
"Biz chempıonatta eń kóp degende 20 komanda qatysady dep kútken edik. Sebebi statıstıka boıynsha mundaı jarystarǵa 18-20 el qatysady. Degenmen bizdiń elge qyzyǵýshylyq tanytqandyqtan bolar, bizdiń elordada ótip jatqan chempıonatqa 28 memleketten kúresshiler keldi", - deıdi QR Qorǵanys mınıstrligi Sport komıtetiniń tóraǵasy - Ortalyq áskerı sport klýbynyń (OÁSK) bastyǵy Erlan Talasbaev.
Áskerıler arasyndaǵy álem chempıonatynda qazaqstandyq sportshylar jalpy jıyntyǵy 4 medal utyp aldy. Onyń ishinde OÁSK-nyń qatardaǵy sarbazy Eldos Jumaqanov 66 keli salmaq dárejesinde altyn medal utyp alsa, 60 keli salmaqta sarbaz Meıirlan Beımahambetov kúmis júldeni qanjyǵamyzǵa saldy. OÁSK-nyń kishi serjanty Qajymuqan Óteýlıev qola medalǵa qol jetkizdi. Sonymen qatar áıelder arasynda 52 keli salmaqta Olesıa Kýtsenko men 57 keli salmaqta kishi serjant Alına Ten úshinshi oryn ıelenip, qola medal ildi.
