Dzıýdadan el chempıonatynyń alǵashqy kúninde kútpegen nátıjeler tirkeldi

AQTÓBE. KAZINFORM – Aqtóbe qalasynda dzıýdodan eresekter arasynda ótip jatqan Qazaqstan chempıonaty alǵashqy jarys kúniniń qorytyndysy belgili boldy.

Tartysqa toly jarysta kútpegen nátıjeler tirkeldi. Erler arasynda 60 kelige deıingi salmaqta álem chempıony Nurqanat Serikbaev qarsylasy Talǵat Orynbasarǵa ese jiberip, júldesiz qaldy. Al fınalda qostanaılyq Nurádil Áljan 2023 jyly Astanada ótken Grand Slam týrnıriniń jeńimpazy Maǵjan Shamshadındi qylqyndyrý ádisimen jeńip ketti. 

Sondaı-aq 66 kelige deıin salmaqta bıyl Zagrebte ótken Gran-prı dodasynda úzdik atanǵan Janarys Rahmetqalı jarys jolynan erte shyǵyp qaldy.

Qazaqstan dzıýdo federatsııasynyń baspasóz qyzmetiniń málimetinshe, óz salmaq dárejeleri boıynsha tómendegi sportshylar júldegerler qatarynan kórindi.

Áıelder

- 48 keli:

1. Dıana Býrkeeva (Jetisý oblysy), 
2. Sabına ıÝldashbekova (Shymkent),
3.Zarına Hýsnadın (Almaty),
3. Arýjan Danaıbek (Jambyl oblysy).

- 52 keli:

1. Tolǵanaı Ábeýova (Aqmola oblysy),
2. Arýjan Erejepova (Almaty oblysy),
3. Qundyz Jylqybaı (Qyzylorda oblysy),
3. Shara Shýgaeva (Almaty).

Erler

- 60 keli:

1. Nurádil Áljan (Qostanaı oblysy),
2. Maǵjan Shamshadın (Qyzylorda oblysy),
3. Nurgeldi Qanat (Mańǵystaý oblysy),
3. Aldııar Qarǵulov (Qaraǵandy oblysy).

- 66 keli:

1. Erjan Erenqaıypov (Astana),
2. Erdaýlet Bozja (Qyzylorda oblysy),
3. Baýyrjan Narbaev (Mańǵystaý oblysy),
3. Mıras Jonysov (Aqtóbe oblysy).

Aıta keteıik, Aqtóbedegi Qazaqstan chempıonaty senbi jáne jeksenbi kúnderi jalǵasady.

Eske salsaq, buǵan deıin Taraz qalasynda erkin kúresten Qazaqstan kýbogynda jeńimpaz atanǵan balýandar tolyq anyqtalǵanyn jazǵan edik.