Dzıý-dodan álem chempıonaty-2013: Qazaq Azamat Muqanov - vıtse chempıon. VIDEO
ASTANA. 29 tamyz. QazAqparat - Brazılııanyń Rıo de Janeıro qalasynda ótip jatqan dzıýdodan álem chempıonatynda qazaqstandyq Azamat Muqanov kúmis júldeni ıelendi, dep habarlady alaman.kz.
66 kelide synǵa túsken qazaq sportshysy aldymen Alım Gadanovty (Reseı), Djoel Tsengti (Sıngapýr), Kolın Oıtısti (Anglııa), Masakı Fýkýokany (Japonııa) qapy qaldyrdy. Azamat bul tartystardyń barlyǵynda ıppon ádisimen taza jeńiske jetti. Al jartylaı fınalda 2009 jylǵy álem chempıony ýkraınalyq Georgıı Zantaraııany bazarı ádisimen utty.
Fınaldyq kezdesýde japondyq Ebımýa Masashımen jolyǵyp, sońǵy sátte utylyp qaldy.
Osyǵan deıin qazaq tatamı sheberleriniń birde biri álemdik synnyń fınalyna shyǵyp kórmegen. Demek, Azamat Muqanov - tuńǵysh vıtse chempıon.
Osy salmaqta synǵa túsken taǵy bir qazaqstandyq Sergeı Lım alǵashqy kezdesýden utylyp qaldy.
