Djýnglıden ondaǵan myń maıa órkenıetiniń qurylysy tabyldy
ASTANA. QazAqparat - Arheologtar Gvatemala djýnglıinde maıa órkenıetiniń 60 myń qurylysynyń qırandylaryn tapty, dep habarlaıdy Bı-bı-sı.
Bir qyzyǵy, tropıkalyq ný orman jaýyp jatqan, adam qolymen turǵyzylǵan bul qurylystar lazerlik tehnologııanyń kómegimen ashylǵan.
Ǵalymdarǵa lazerlik tehnologııanyń arqasynda Gvatemalanyń soltústigindegi Peten departamentinde 2000 shaqyrymnan astam jerdiń kartasyn túzýdiń sáti túsken.
Djýnglıdiń bul bóliginde úıler, saraılar, joldar men qorǵanys bógetteri tabyldy.
Sondaı-aq bul jer búginde belgili bolǵan maıa qalalarynyń qırandylaryna jaqyn mańaıda. Soǵan qaraǵanda, óńir turǵyndarynyń sany birneshe mıllıonǵa jetýi múmkin.
Arheologtar jańa tehnologııa bizdiń maıa órkenıeti týraly bilgenimizdi tolyqtaı ózgertetindigine senimdi.
«Bul - maıany jarty ǵasyrǵa sozylǵan arheologııalyq zertteý tarıhyndaǵy asa mańyzdy beles bolyp otyr», - deıdi Braýnovskıı ýnıversıtetiniń professory Stıven Hıýston.
