Djýlıan Assanjdy Shvetsııaǵa ekstradıtsııalaý týraly úkim bekitildi
ASTANA. 1 maýsym. QazAqparat - Brıtanııanyń Joǵarǵy soty Vıkılıks saıtynyń negizin qalaǵan Djýlıan Assanjdy zorlyq-zombylyq kórsetti dep aıyp taqqan Shvetsııaǵa ekstradıtsııalaý týraly úkimdi bekitti.
Bul týraly habar arnasy málimdeıdi.
Osylaısha, Ulybrıtanııanyń Joǵarǵy soty kompromat koroli úmit artqan apellıatsııany qabyldamaı tastady. Al, Assanjdyń advokattary ony qamaý týraly orderge shvetsııalyq sýdıa emes prokýrordyń qol qoıǵanyn alǵa tartqan edi. Endi Assanj eki aptadan keshiktirilmeı Shvetsııaǵa qaıtarylýy tıis. Degenmen, Assanj advokattarynyń eki apta ishinde dál sol Joǵarǵy sotqa taǵy bir apellıatsııa berýge múmkindikteri bar. Keıinnen olar tergeý amaldary kezinde ekstradıtsııalaý týraly úkimdi keıinge qaldyra alatyn Adam quqyqtary jónindegi Eýropalyq Sotqa da júgine alady. Osylaısha, Assanj isi birneshe aıǵa sozylýy múmkin. Osyǵan deıin de Assanj 540 kúndi úı qamaýynda ótkizdi. Ol eń alǵash ret Londonda 2010 jyly, Vıkılıks saıtynda Aýǵanstandaǵy soǵysqa qatysty qupııa málimetter jarııalanǵannan soń qamaýǵa alyndy. Oǵan Shvetsııada eki áıeldi zorlaǵan degen aıyp taǵylyp, qylmystyq is qozǵaldy.
