Djýlıan Assanj «Wikileaks» degen ataýmen partııa qurady
ASTANA. 25 shilde. QazAqparat - Wikileaks-tiń negizin qalaýshy Djýlıan Assanj Avstralııa parlamenti joǵary palasyna bıylǵy jylǵa josparlanǵan saılaýǵa qatysý úshin saıası partııany qurady. Bul týraly VVS habarlady.
Assanj bul jaıynda Londondaǵy Ekvador elshiliginen beıne baılanys arqyly jarııalady. Aıta keteıik, ol atalǵan elshilikte byltyrdan beri jasyrynýda.
Brıtandyq bılik Assanjdy qolǵa túsirip, Shvetsııaǵa jer aýdarýǵa talpynýda.
Assanjdyń sózine qaraǵanda, onyń partııasy «Wikileaks» dep atalady, sondaı-aq Avstralııanyń federaldyq senatyna jeti kandıdatty usynady. Partııalyq tizimdi ol ózi bastaıdy eken.
