Djýlıan Assanj Londondaǵy Ekvador elshiliginen shyqpaı qaldy
ASTANA. QazAqparat - Keshe keshke jýrnalıster asyǵa kútken Djýlıan Assanj Londondaǵy Ekvador elshiliginen shyqpaı qaldy, dep habarlady Reseıdiń qoǵamdyq televıdenıesi.
Budan buryn 3,5 jyldan beri dıplomatııalyq ókildikte jasyrynyp júrgen ol brıtandyq sot organdaryna beriletinin málimdegen bolatyn. Alaıda sońǵy sátte WikiLeaks «áshkereleıtin portalynyń» negizin qalaýshy ol oıynan aınyp qaldy. Onyń mundaı sheshim qabyldaýyna brıtandyq jáne shved bılikteriniń olar úshin BUU jumys tobynyń ony bas bostandyǵynan aıyrýy zańsyz degen qorytyndylary mańyzdy emes degen málimdemeleri yqpal etti.
Keshe kúndiz Ulttar qoǵamdastyǵynyń sarapshylary Djýlıan Assanjdyń Ekvador elshiliginde bolýy ony «zańsyz bas bostandyǵynan aıyrý» jáne Ulybrıtanııa bıligi onyń júrip-turý erkindigine shuǵyl túrde kepildik berýi jáne moraldyq zalal shegýine ótemaqy tóleýi tıis, dep málimdegen bolatyn. Al Assanjdyń ózi kóshege shyǵýdan bas tartýyn bylaısha túsindirdi.
Djýlıan Assanj, ınternet jýrnalısi, WikiLeaks halyqaralyq kommertsııalyq emes uıymynyń negizin qalaýshy: «Bul óte eleýli oqıǵa - halyqaralyq zańnamaǵa sáıkes eýropalyq quqyq qalaı áreket etedi. Men shved jáne brıtan bılikteriniń zańdyq jáne saıası astaryn jaqsy túsinip otyrmyn, olar ózderiniń áreketin zańdy dep sanap otyr. Al shyndyǵyna kelsek, olardyń isiń zańsyz, shvedterdiń de, brıtandyqtardyń da BUU sheshimine qarsylyq tanytýǵa zańdyq negizderi joq. Meni qamaýǵa alý nemese basqasha qýdalaýdyń zańsyzdyǵy - bul endi qatań halyqaralyq quqyq normasy».
Assanj 2012 jylǵy maýsymda Ekvador elshiligine saıası baspana berýge ótinish jasaǵan bolatyn - Shvetsııa prokýratýrasy ony zorlaý isi boıynsha ekstradatsııalaýdy talap etti. Ol bul aıypty moıyndaǵan joq. WikiLeaks dırektory ony qýdaǵalaýdyń shynaıy sebebi mıllıonnan astam paraq qupııa qujattardy áshkerelegeni úshin Obama ákimshiliginiń ony AQSh-qa ekstradatsııalanýyna qol jetkizý ekenin málimdedi.
