Djýdı Kýo: Qazaqstan – ınternetke qoljetimdilik boıynsha óńirlik kóshbasshy

NUR-SULTAN. QazAqparat – Qazaqstan – ınternetke qoljetimdilik boıynsha aımaqtyq kóshbasshy. AQSh-tyń Qazaqstandaǵy Ýaqytsha senimdi ókili Djýdı Kýo elordada ótip jatqan qazaqtildi kontent jasaýshylardyń dástúrli forýmynda osyndaı pikir bildirdi, habarlaıdy QazAqparat tilshisi.

«Bıyl QazForum óziniń alǵashqy mańyzdy kezeńin – bes jyldyǵyn atap ótip otyr jáne onyń Qazaqstan Respýblıkasy Táýelsizdiginiń 30 jyldyǵymen tuspa-tus kelgenine qýanyshtymyz.

Bıyl biz qaýipsizdik, damý, órkendeý jáne negizgi bostandyqtardy saqtaý jónindegi mindettemege negizdelgen AQSh-Qazaqstan dıplomatııalyq qarym-qatynastarynyń 30 jyldyǵyn atap ótip jatyrmyz. Biz aldaǵy jyldary ekonomıkalyq, qaýipsizdik jáne halyqtar arasyndaǵy baılanystarymyzdy nyǵaıta túsýge mán beremiz», - degen AQSh ókili, bul Qazaqstan ekonomıkasynyń ósýine ǵana emes, búkil Ortalyq Azııa aımaǵyna mańyzdy aktıv bola alatynyna senim bildirdi.

«Qazaqstan ınternetke qoljetimdilik boıynsha aımaqtyq kóshbasshy bolyp tabylady. Bul qoǵamǵa oń áser etetin úlken jetistik. Aqparat erkindigine tolyq qurmet kórsetilip, STEM jáne IT-bilimge ınvestıtsııa jasalsa mundaǵy tsıfrlyq naryq, sonyń ishinde Qazaqstanda jasalǵan medıa ónimder, tek Qazaqstan ekonomıkasynyń ósýine ǵana emes, sondaı-aq búkil Ortalyq Azııa aımaǵyna mańyzdy aktıv bola alatynyna senimdimin», - dedi Djýdı Kýo.