Djozef jáne Lında Meıottar tutqynǵa alyndy - QR SІM
ASTANA. 9 tamyz. QazAqparat - Qazaqstannan asyrap alǵan balalaryn jábirlep kelgen Djozef jáne Lında Meıottardyń isi boıynsha sot úkimi 22 tamyzda shyǵady. Bul týraly búgingi baspasóz máslıhatynda QR Syrtqy ister mınıstrliginiń baspasóz hatshysy Nurjan Aıtmahanov málim etti.
«Qazaqstan Respýblıkasynyń Nıý-Iorkte ornalasqan Bas konsýldyǵynan kelip túsken aqparatqa sáıkes, keshe, ıaǵnı 8 tamyzda, Massachýsets shtatynyń joǵarǵy soty Qazaqstannan asyrap alǵan eki balaǵa qatysty jynystyq sıpattaǵy qylmystyń kóptegen tarmaqtary boıynsha aıyptalýshy Djozef jáne Lında Meıotty kináli dep tanydy. Qazirgi ýaqytta Djozef Meıott tutqyndaldy, onyń jubaıy aýrýhanadan shyqqannan keıin tutqandalatyn bolady. Sottyń úkim shyǵarý kúni 22 tamyzǵa belgilengen. Bul másele QR Syrtqy ister mınıstrliginiń erekshe baqylaýyna alynyp otyr. Osy máselege qatysty jańa málimet bolsa, qosymsha habarlaıtyn bolamyz», - deıdi N. Aıtmahanov.
