Djos qalasyndaǵy jarylys qurbandarynyń sany 118-ge jetti
ASTANA. QazAqparat - Naqtylanǵan derekterge súıensek, seısenbi, 20 mamyrda Nıgerııanyń ortalyq bóliginde ornalasqan Djos qalasynda oryn alǵan eki jarylystyń saldarynan kem degende 118 adam qaza taýyp, 56 adam jaralandy.
Ulttyq daǵdarys jaǵdaıyn baqylaý agenttiginde úıindilerdiń arasynda áli de qaza tapqandardyń múrdesi tabylýy múmkin ekendigin aıtady.
Budan buryn habarlanǵandaı, lańkestik áreket Djos qalasyndaǵy bazarda oryn aldy, dep eske salady ITAR-TASS. Polıtsııa «jarylǵysh zat eki kólikke qoıylǵan, aktsııa kóptegen beıbit turǵyndardy joıý maqsatynda uıymdastyrylǵan» dep sanaıdy. Ázirge bul jarylysty eshkim moınyna almady. Alaıda qadaǵalaýshylar ony eldegi «Boko Haram» radıkaldyq toby jasaǵan degen boljam aıtýda.
Al Nıgerııa prezıdenti Gýdlak Djonatan teraktini «qorqaý qatygezdikke» balady. «Úkimet burynǵysha lańkestikti jeńýge tolyqtaı beıildi. Biz bul joldan esh taımaımyz», - dep atap ótti ol.
Esterińizge sala keteıik, 20 mamyrda Nıgerııa parlamenti eldiń soltústiginde ornalasqan «Boko haram» lańkesteri bar shtattarda tótenshe jaǵdaı rejimin uzartqan bolatyn.
