Djordjııada belgisiz bireýler Barak Obamanyń tulybyn ilip qoıdy
ASTANA. Qańtardyń 5-i. QazAqparat - Amerıkanyń Djordjııa shtatyndaǵy Pleınz qalasynyń bas kóshesine belgisiz bireýler AQSh Prezıdenti Barak Obamanyń tulybyn ilip qoıdy.
Pleınz polıtsııasynyń habarlaýynsha, tulyp qala ǵımarattarynyń biriniń aldynda ilinip qoıylǵan jerinen tabylyp otyr. Úlken qýyrshaq «Djordjııa shtaty, Pleınz qalasy bizdiń 39-shy prezıdentimiz Djımmı Karterdiń týǵan jeri» degen úlken jazýdyń qasyna ilinip qoıylǵan, dep habarlaıdy Associated Press. Kórgenderdiń aıtýynsha, qýyrshaqqa memlekettiń qazirgi basshysy Barak Obamanyń esimi jazylǵan. Oqıǵa boıynsha tekserý amaldary júrgizilip jatyr.
