Djordjııa shtatynda 5 adamdy atyp ketti
ASTANA. QazAqparat - Amerıkalyq Djordjııa shtatynyń polıtsııasy bes adamdy óltirgen kúdiktini izdestirýde.
Polıtseılerdiń derekteri boıynsha, bes adam oq tıip qaıtys bolǵan. Bul rette múrde ár jerden tabylǵan, dep habarlady BBC.
Polıtsııa bastapqyda úsh adamnyń denesin tapqanyn, sosyn taǵy bir adamnyń múrdesi men jaraly bir adamdy tapqanyn málimdedi. Jaralanǵan adam aýrýhanaǵa jetkizilgenmen, ony aman alyp qalý múmkin bolmady.
Kúdiktiniń kim ekeni anyqtaly. Polıtsııa derekterine sáıkes ol jalǵyz áreket etken.
Qylmystyń ne úshin jasalǵany atalmady.
Bul AQSh-taǵy sońǵy táýliktegi ekinshi jappaı kisi óltirý faktisi. 22 sáýirde keshke belgisiz bireýler bir otbasynyń Ogaıoda segiz adamyn atyp ketken edi.
Onda úsh bala tiri qaldy, bireýi jańa týǵan náreste.
Bul qylmysty jasaǵandar ázirge tabylmady. Polıtsııa qaskúnemder qarýly ári qaýipti ekenin alǵa tartýda.
