Djordja Melonı Qazaqstan Prezıdenti jaıynda: Eń syndarly kóshbasshylardyń biri

ASTANA. KAZINFORM — Italııa Premer-Mınıstri Djordja Melonı Memleket basshysy Qasym-Jomart Toqaevty eń syndarly kóshbasshylardyń biri dep atady.

— Shaqyrǵanyńyzǵa, jyly qabyldaǵanyńyzǵa jáne osyndaı nátıjeli kelissózder úshin rızashylyǵymdy bildiremin. Siz ómirimde kezdesken eń syndarly kóshbasshylardyń biri ekenińizdi atap ótkim keledi. Osynaý qıyn-qystaý zamanda aǵymdaǵy jaǵdaıdyń kúrdeliligin túsetin adammen sóılesý shynymen de óte paıdaly. Barlyq syn-tegeýringe qaramastan jaqsy jańalyqtar da bar. Onyń biri Qazaqstan men Italııa qarym-qatynasyna qatysty. Bul baǵytty osy sapar aıasynda áli de bolsa damyta túsýge tyrysamyz, — dedi Italııa Úkimet basshysy Aqordada Qasym-Jomart Toqaevpen keńeıtilgen quramdaǵy kelissóz barysynda.

Ol memleketterdiń ekijaqty qarym-qatynasy shyn máninde joǵary deńgeıde ekenin basa aıtty. Degenmen, osyǵan qaramastan ony odan ári jaqsartýǵa múmkindikter bar ekenine de toqtaldy.

— Dál sol maqsatta kelip otyrmyn. Bul eń aldymen osy óńirdegi Shyǵys pen Batys arasynyń túıisken jeri sanalatyn elińizdi moıyndaý sanalady. Mundaı kezdesý barlyǵymyz úshin de óte paıdaly ekeni sózsiz. Osylaısha, biz belgili bir kómek berýge de daıynbyz. Sebebi biz osy óńirlegi elińizdiń mańyzdylyǵyn túsinemiz Premer-Mınıstr.

Aıta keteıik, Qasym-Jomart Toqaev Aqordada Italııa Premer-mınıstri Djordja Melonımen shaǵyn quramda kelissóz júrgizgen edi. 

Keshe elordada «Italııa — Qazaqstan» iskerlik forýmy ótip, eki eldiń uıymdary jalpy somasy 180 mıllıon eýro bolatyn 10 memorandýmǵa qol qoıdy. 

Al búgin tústen keıin Memleketter basshylarynyń qatysýymen birinshi «Ortalyq Azııa — Italııa» sammıti ótedi.