Djordj Vashıngton tusynda jasalǵan moneta aýktsıonda 2,93 mıllıon dollarǵa satyldy
ASTANA. KAZINFORM — AQSh-tyń alǵashqy monetalarynyń biri Djordj Vashıngton prezıdent bolǵan kezeńde soǵylǵan. Ol aýktsıonda shamamen 2,93 mıllıon dollarǵa satyldy, dep habarlaıdy RIA Novostı.
— 1792 jyly soǵylǵan bes tsenttik moneta Heritage aýktsıonynda satyldy. Saýda barysynda Ronald Fırmannyń kollektsııasyndaǵy bul biregeı jádigerge 66 usynys túsip, baǵasy rekordtyq 2,928 mıllıon dollarǵa jetti, — delingen aýktsıon úıiniń habarlamasynda.
Saýda 8-9 qazanda ótken. Atalǵan moneta AQSh nýmızmatıkasy tarıhyndaǵy tarıhı mańyzy zor jádigerlerdiń biri sanalady.
2013 jyly osyndaı nomınaldaǵy monetalar úshin ornatylǵan aýktsıondyq rekord jańartylyp, jańa baǵa burynǵy kórsetkishten eki eseden astam ósti.
Aýktsıonnyń atqarýshy dırektory Todd Imhof bul nátıjeni monetanyń AQSh nýmızmatıkasynyń eń joǵary deńgeıindegi jádigerler qataryndaǵy ornyna laıyq kórsetkish dep baǵalady.
Monetanyń ortasynda Azattyqtyń bıýsti beınelengen. Onyń aınalasynda aǵylshyn tilinde «Azattyq — ǵylym men ónerkásiptiń bastaýy» degen jazý bar. Tómengi bóliginde jasalǵan jyly — 1792 jyl kórsetilgen.
Eske salaıyq, buǵan deıin AQSh-ta 11 qyrkúıek qurbandaryn eske alýǵa arnalǵan moneta shyǵarylǵan bolatyn.
