Djordj Soros Brıtanııa EO-dan shyqqan kezde fýnt 20 paıyzǵa deıin quldyraýy múmkin ekenin boljady
ASTANA. QazAqparat - Amerıkalyq qarjyger Djordj Soros Ulybrıtanııa Eýroodaqtan shyqqan jaǵdaıda, sterlıng fýntynyń baǵamy eń az degende 15 paıyzǵa, eń kóp degende 20 paıyzǵa quldyraýy múmkin ekenin málimdedi, dep jazdy Gazeta.ru The Guardian-ge silteme jasap.
«Eger referendým qorytyndysy boıynsha Eýroodaqtan shyǵý sheshimi qabyldansa, sterlıng fýnty kúrt quldyraýy múmkin. Menińshe, quldyraý 1992 jylǵy qyrkúıektegi 15 paıyzdan da asyp túsýi múmkin. Ol kezde men Anglııa Banki men Ulybrıtanııa úkimeti esebinen hedj-qorymnyń ınvestorlary úshin eleýli paıda taýyp, jolym bolǵan edi», - dep jazdy Soros.
Ol Eýroodaqtan shyǵýǵa daýys berý birden «qarjy naryqtary, baǵa jáne eńbek naryǵy ınvestıtsııasyna» áser etedi. Qarjyger fýnttyń qudyraýy qarapaıym adamdarǵa aýyr tıetinin qosty. Fýnt baǵamynyń tómendeýi olardy kedeılendire túspek.
Referendým 23 maýsymda ótedi.
Budan buryn Djordj Soros Reseı álemdik derjavaǵa aınalyp, Eýroodaq quldyrap ketýi múmkin ekenin málimdedi.
