Djordj Klýnıdiń áıeli egiz bala dúnıege ákeldi
ASTANA.QazAqparat - Brıtandyq advokat, belgili amerıkalyq akter Djordj Klýnıdiń áıeli Amal Klýnı egiz bala - ul jáne qyzdy dúnıege ákeldi. Bul juldyzdy juptyń alǵashqy balalary, dep habarlaıdy Bı-Bı-Sı agenttigi.
«Bul kúni Amal men Djordj óz ómirleriniń mańyzdy bólshegi sanalatyn Ella men Aleksandrdy úlken qýanyshpen qabyldady. Ella, Amal jáne Aleksandrdyń jaǵdaılary óte jaqsy. Djordj tynyshtandyrý bóliminde, birneshe kúnnen keıin qalpyna kelýi kerek», - dedi akterdiń baspasóz hatshysy jýrnalısterge bergen suhbatynda.
Akterdiń jubaıynyń aıaǵy aýyr ekendigi jaıly qaýeset qańtar aıynda ótken sharalardyń birinde Amal Klýnıdiń keń kóılek kıip shyǵýynan keıin taraǵan.
39 jastaǵy Amal Klýnı birneshe atyshýly sot isterine advokat boldy. Atap aıtsaq, ol Ýkraınanyń eks-premeri ıÝlııa Tımoshenkony, Wikileaks-tyń negizin qalaýshy Djýllıan Assanj pen ázerbaıjandyq jýrnalıst Hadıdja Ismaılovalardyń qorǵaýshysy boldy.
55 jastaǵy Djordj Klýnı kóptegen bedeldi kıno syılyqtarynyń ıegeri. Aıta keteıik, ol eki ret «Oskar» syılyǵynyń ıegeri atandy.
