Djordj Býsh eń ádemi shulyqtar baıqaýyn uıymdastyryp, onda ózi tórelik etpek
ASTANA. QazAqparat - AQSh-tyń burynǵy prezıdenti óziniń erler garderobana degen erekshe yqylasymen burynnan tanymal. Sol sebepti onlaın túrinde bastalǵan doda saıasatkerdiń óziniń 90-jyldyq mereıtoıyna ózi jasaǵan syıy deýge boldy.
Sheteldik BAQ-tyń habarlaýynsha, baıqaýdy Djordj Býshtyń kitaphanasy jáne murajaıy uıymdastyrdy. AQSh-tyń 41-prezıdenti úshin shulyqtardyń dızaınyn Happy Birthday 41 saıtynda rafıkalyq redaktordyń kómegimen jasap shyǵýǵa bolady. Baıqaý 31 tamyzǵa deıin jalǵasady. Baıqaý qorytyndysy boıynsha mereıtoı ıesi jeńimpazdy tańdaıdy, sodan soń úzdik shulyq Býsh murajaıyna eksponat retinde saqtalady. Aıta keteıik, Býshtyń buqara aldyna túrli-tústi, órnekti, erekshe shulyqtar kıip shyqqan kezderi az emes. Onyń uly Djeb Býshtyń aıtýynsha, ákesi osy kúnge deıin 500 shulyqtan kollektsııa jınaǵan eken.
