Djonsonnyń keńesshisi karantın rejımin buzdy dep aıyptalyp otyr
NUR-SULTAN. QazAqparat - Ulybrıtanııanyń leıborıster partııasy Borıs Djonsonnyń keńesshisi Domınık Kammıngske qarsy tergeý amaldaryn júrgizýdi talap etip otyr. Ol karantın rejımi kezinde ata-anasy turatyn qalaǵa baryp qaıtqany úshin aıyptalýda, dep habarlaıdy QazAqparat dw.com-ǵa silteme jasap.
Leıborıster ókili Reıchel Rıvz osyndaı aıyptaý hatty 23 mamyr kúni mınıstrler kabınetiniń hatshysy Mark Sedvıldiń atyna joldady.
Ulybrıtanııa turǵyndary ózderine qıyn tıse de jasy egdelep ketken ata-analaryna barmaı shekteý sharalaryna moıynsunǵan, dep jazady Rıvz. Onyń aıtýynsha, eldegi úkimet laýazymdy saıasatkerlerdiń de turǵyndarǵa ortaq karantın erejesin buljytpaı saqtap júrgenine sendirýi qajet.
Buǵan deıin birqatar gazetter Kammınsti karantın rejımin buzdy aıyp taqqan. Olardyń málimetinshe, ol asa bir qajetti bolmasa úıden shyqpaý jónindegi tyıymdy elemeı, Londonnan 400 shaqyrym jerde ornalasqan Darem qalasyna barǵan. Daremde onyń egde ata-anasy turady.
Keıin onyń zaıyby koronavırýs juqtyrǵany anyqtalyp, ózinen de aýrý belgisi tabylǵan. Sapar kezinde Kammıngs oqshaýlaný rejımin saqtaýy tıis edi. Djonsonnyń keńsesi onyń áreketin durys dep tapty. Keńesshi kishkentaı balasynyń kútimin qamtamasyz etý osylaı jasaý qajet edi, dep otyr.
