Djonnı Depptiń $3,6 mln-ǵa satyp alǵan jeke araly týraly qyzyqty derek tarady
ASTANA. KAZINFORM — Gollıvýd akteri Djonnı Depp 2004 jyly «Karıb teńiziniń qaraqshylary» fılmin túsirý kezinde Bagam araldarynan 3,6 mıllıon dollarǵa jeke aral satyp alǵan. Bul týraly The Times of India jazdy.
Djonnı Deptiń Bagam aralyndaǵy jeke araly týraly qyzyqty derek qaıta nazarǵa ilikti.
Akter Bagam araldaryndaǵy Little Hall's Pond Cay aralyn 3,6 mıllıon dollarǵa satyp alǵan. Araldyń aýmaǵy shamamen 45 akrdy quraıdy jáne ol Eksýma arhıpelagynda ornalasqan.
Depp aralǵa «Karıb teńiziniń qaraqshylary» fılminiń túsirilimi kezinde barǵan. Akter keıin araldyń tabıǵaty men tynyshtyǵyna birden ǵashyq bolǵanyn aıtqan.
Aralda birneshe jeke jaǵajaı bar. Depp olardyń keıbirin ózine jaqyn adamdardyń qurmetine ataǵan. Olardyń qatarynda balalary Lılı-Roýz ben Djekke, akter Marlon Brandoǵa jáne jazýshy Hanter S. Tompsonǵa arnalǵan ataýlar bar.
The Times of India málimetinshe, araldaǵy ǵımarattar ekologııalyq talaptarǵa saı jabdyqtalǵan, onyń ishinde kún energııasy júıeleri de bar.
Aıta keteıik, «Karıb teńiziniń qaraqshylary» fılmindegi róli arqyly tanymal Gollıvýd akteri Tamaıo Perrı Gavaı araldarynda serfıngpen júrgende akýla shabýylynan qaza tapqan edi.
