Djonnı Depptiń áıeli janýarlardy zańsyz ákelgeni úshin 10 jylǵa sottalýy múmkin
ASTANA. QazAqparat - Avstralııa prokýratýrasy akter Djonnı Depptiń áıeli, aktrısa Ember Herdke janýarlardy elge zańsyz ákeldi degen aıyp taqty, dep habarlady RIA Novostı.
Mamyr aıynda Ember Herd óziniń jeke ushaǵynyń bortynda «Karıb teńiziniń qaraqshylary» kınosynyń túsirilimi bolyp jatqan Avstralııaǵa eki ıorkshır tererin ákelgen.
Sonymen qatar, ol jalǵan qujat paıdalandy dep aıyptalyp otyr. Bul elde janýarlar kontrabandasy úshin qarastyrylǵan eń aýyr jaza - 10 jylǵa deıin bas bostandyǵynan aıyrý nemese 100 myń AQSh dollarynan astam aıyppul tóleý qarastyrylǵan.
Avstralııa bıligi aktrısany 7 qyrkúıekte sotqa shaqyryp otyr.
Avstralııanyń erekshe faýnasy úshin elge janýarlardy ákelýge qatysty qatań zań bar.
