Djonnı Depp «Maıtalman sheber men Margarıta» fılminde basty róldi somdaıdy

ASTANA. KAZINFORM — Amerıkalyq akter Djonnı Depp Mıhaıl Býlgakovtyń «Maıtalman sheber men Margarıta» romanynyń tuńǵysh aǵylshyn tilindegi kınokartınasynda basty rólge qarastyrylyp jatyr, dep habarlaıdy Variety jýrnaly.

Atalǵan jýrnaldyń málimetinshe, Depp jobaǵa prodıýser retinde de qatysady, al túsirilimder onyń IN.2 Film kınostýdııasynyń baqylaýymen ótedi.

Fılmniń rejısseri ázirge taǵaıyndalmaǵan. Óndiriske kirisý kelesi jyldyń sońyna qaraı josparlanǵan.

62 jastaǵy Depp kóptegen fılmdegi basty rólderimen tanymal, sonyń ishinde onyń karerasyndaǵy eń kommertsııalyq tabysty jobalardyń biri — «Karıb teńiziniń qaraqshylary» franshızasy bar.

Eske sala ketsek, Los-Andjeleste 83-shi «Altyn globýs» — 2026 syılyǵynyń jeńimpazdary jarııalandy.

Sondaı-aq Netflix kompanııasy Warner Bros.-ty 82,7 mlrd dollarǵa satyp alyp, eń iri strımıng servısin «Kasablanka» jáne «Garrı Potter» franshızasy sııaqty fılmder túsirgen áıgili stýdııamen biriktiretinin habarlaǵan edi.

Al Netflix-ti basyp ozǵan qazaqstandyq onlaın-kınoteatr halyqaralyq marapat aldy.