Djon Malkovıch Astanalyq tsırkinde boldy
ASTANA. Qazaqparat - Astanalyq tsırkke tanymal gollıvýd aktery, «Oskar» syılyǵynyń eki dúrkin nomınanty Djon Malkovıch keldi, dep habarlaıdy QazAqparat tsırktiń baspasóz qyzmetine silteme jasap.
Qonaqty Astanalyq tsırktiń bas dırektory Erik Joljaqsynov qarsy aldy. Óz kezeginde gollıvýd juldyzy tsırk akterlarynyń ónerin tamashalap, ujymǵa jyly lebizin bildirdi.
Buǵan deıin biz Djon Malkovıch Astana qalasyndaǵy «Ana men bala ulttyq ǵylymı ortalyǵynda» bolyp, onkologııalyq aýrýǵa shaldyqqan balalarmen kezdeskendigi týraly habarlaǵan bolatynbyz.
Eske sala ketsek, gollıvýd aktery Astanaǵa HІІІ «Eýrazııa» halyqaralyq kınofestıvaline qatysý úshin arnaıy keldi.
