Djon Lennonnyń avtoportreti 5 mln. dollarǵa baǵalanyp, bássaýdaǵa shyǵaryldy
ASTANA. QazAqparat - Dańqty Beatles rok tobynyń negizin qalaýshylardyń biri Djon Lennonnyń qyzyl-qara reńktegi avtoportretin Cooper's Own saýda úıi Ulybrıtanııadaǵy halyqaralyq bássaýdaǵa shyǵardy.
VVS radıostansasynyń habarlaýynsha, týyndynyń bastapqy baǵasy 5 mln dollardy quraıdy.
«Sóz XX ǵasyrdyń ekinshi jartysyndaǵy álemdik mádenıettiń kórnekti qaıratkerleriniń biriniń biregeı óner týyndysy jaıynda bolyp otyr. Mundaı shyǵarma satylymǵa óte sırek túsedi. Avtoportret Djon Lennon 1958 jyly Lıverpýl kórkemóner kolledjinde oqyp júrgen kezinde abstraktili stılde maıly boıaýmen salynǵan», - deıdi Cooper's Own saýda úıiniń dırektory Lýıza Kýper.
Aıta keterligi, dál osy kartınany 1970 jyldary Sotheby's bássaýdasynan amerıkandyq kollektsıoner satyp alǵan bolatyn. Qazirgi ýaqytta onyń kollektsııalary satylymǵa túsýde.
