Djon Lennon men Djordj Harrıson gıtarasy bássaýdada satyldy
ASTANA. 20 mamyr. QazAqparat - Brıtandyq The Beatles tobynyń músheleri Djon Lennon men Djordj Harrıson oınaǵan gıtara Nıý-Iorkte ótken bássaýdada 408 myń AQSh dollaryna satyldy.
Bul týraly sheteldik buqaralyq aqparat quraldaryna silteme jasap Reseıdiń «Jańalyqtar» agenttigi habarlady.
Bássaýdany uıymdastyrýshylar lot 200-300 myń dollarǵa satylatyndyǵyn boljaǵan bolatyn. Satyp alǵan adamnyń esimi jarııa etilgen joq.
Jartylaı akýstıkalyq gıtarany atalǵan top úshin VOX kompanııasy jasaǵan. Dál osy mýzyqalyq aspappen Lennon "Hello, Goodbye" ániniń beınebaıanyna tússe, Harrıson osy gıtaramen án shyrqaǵan edi.
