Djon Kerrı AQSh Memlekettik hatshysy retinde jumysqa kiristi
ASTANA. 4 aqpan. QazAqparat - Búgin Djon Kerrı AQSh Memlekettik hatshysy retinde alǵashqy jumys kúnine kiristi. Tańerteń ol memlekettik departamentte syrtqy saıası vedomstvo qyzmetkerleriniń aldynda sóz sóıleıtin bolady.
Onyń jumys tártibinde basqa eshbir kezdesýler josparlanbaǵan, dep habarlaıdy ITAR-TASS.
«Qaraýyldyń almasýy» juma kúni boldy. Sol kúni Hılları Klınton sońǵy tórt jyl boıy jumys istegen memlekettik departament ǵımaratynan ketti, al sál keshirek Joǵarǵy sottyń múshesi Elena Keıgan 69 jastaǵy eks-senatordyń antyn qabyldady. Rásimge jýrnalıster shaqyrylǵan joq, jáne memlekettik departament onyń qandaı da bir mán-jaılaryn habarlamady. Degenmen, aldaǵy sársenbide jergilikti ýaqyt boıynsha tústen keıin Kerrıdiń taǵy bir ant qabyldaý rásimi ótedi, bul joly baspasóz ókilderiniń qatysýymen.
Ákimshilik ókilderiniń habarlaýynsha, óziniń shet elge alǵashqy saparyn memlekettik hatshy palestına-ızraıl janjalyn turalap qalǵan beıbit retteý úrdisine jan bitirý úshin Taıaý Shyǵysqa jasaıdy dep kútilýde. Bul sapar aıasynda ol birinshi kezekte Izraıl men Mysyr elderine barýy múmkin.
Aldaǵy ýaqytta Kerrı Reseıge de saparlaıtyny kútilýde.
