Djon Fıýrı: Taıson Klıchkony 10-shy raýndta nokaýtqa jiberedi
ASTANA. QazAqparat - WBO/WBA/IBO tujyrymdary boıynsha asa aýyr salmaqtaǵy álem chempıony Taıson Fıýrıdiń (25-0, 18 KO) komandasy brıtandyqtyń burynǵy dıvızon kóshbasshysy ýkraındyq Vladımır Klıchkoǵa (64-4, 53 KO) qarsy qarymta jekpe-jegi merziminen buryn toqtatylatynyna senimdi.
Árıne, chempıonnyń paıdasyna. Bul týraly boksshynyń ákesi Djon Fıýrı málimdedi, dep habarlady vringe.com.
«Bul joly bári basqasha bolady, - dedi boksshynyń ákesi BoxingScene tilshisine bergen suhbatynda. - Eger jeńiske qumartýdyń ne ekenin túsinseń, Taıson ony 10 raýndta nokaýtqa jiberetinin uǵatynyń sózsiz. Munyń barlyǵy psıhologııalyq shabýyl, biz ony (Vladımır - vRINGe) jaqsy bilemiz... ári onyń judyryqtasý qaýqary da belgili, sondyqtan osy joly Taısonǵa jeńil bolady».
Eske salsaq, ótken jyly qarashada Klıchko Fıýrıden jeńilip, WBA, IBF, WBO jáne IBO tıtýldarynan aıyrylǵan bolatyn.
Olardyń qarymta kezdesýi Manchesterde (Anglııa) 9 shildede ótedi.
