Djon Brennan - AQSh Ortalyq barlaý basqarmasynyń basshysy
ASTANA. 9 naýryz. QazAqparat -AQSh kongresiniń senaty Djon Brennandy Ortalyq barlaý basqarmasynyń basshysy qyzmetine bekitti.
Oǵan senatorlardyń 34-i qarsy daýys berse, qalǵan 63-i onyń kandıdatýrasyn qoldady, dep habarlaıdy 24.kz.
Buǵan deıin Bengazıdegi AQSh elshiligine jasalǵan shabýylǵa qatysty saılaý keıinge shegerilgen bolatyn. Oqıǵa kezinde elshi men AQSh-tyń 3 azamaty qaza tapqan edi. Elý jeti jastaǵy Brennan sońǵy birneshe jyl boıy lańkestikpen kúresýde Barak Obamanyń bas keńesshisi qyzmetin atqaryp kelgen. Sonymen qatar, jańa basshy álemge atyshýly lańkes Ýsama ben Ladenniń kózin joıý operatsııasyn uıymdastyrǵandardyń biri.
