Djokovıch Tsıntsınnatıdegi match kezinde ózin jaısyz sezindi
ASTANA. KAZINFORM — Serbııalyq tennısshi Novak Djokovıch AQSh-tyń Tsıntsınnatı qalasynda ótip jatqan «Masters» sanatyndaǵy týrnırdiń ekinshi aınalymyndaǵy match kezinde dárigerlerdiń kómegine júgindi.
Serbııalyq tennısshi álemniń 50-raketkasy, argentınalyq Tıago Agýstın Tıranteden jeńilip qaldy. Djokovıch birinshi partııany senimdi túrde utyp, ekinshi sette ózin jaısyz sezindi. Keıinirek Novak kortta tizerlep qulap, artynsha tóreshi oǵan medıtsınalyq úzilis berdi.
Dárigerlerdiń kómegine júginip, matchty jalǵastyrýǵa tyrysqanymen, serbııalyq tennısshi óz degenine jete almady. Ol 6:2, 4:6, 4:6 esebimen jeńilip qaldy.
Týrnırdiń úshinshi aınalymynda Tıago Agýstın Tırante 20 jastaǵy ıspanııalyq Martın Landalýspen kezdesedi.
«Masters» sanatyndaǵy týrnır Tsıntsınnatıde 13-20 tamyz aralyǵynda ótip jatyr. Bıyl erler arasyndaǵy jekeleı syndaǵy jalpy júlde qory — 9,4 mıllıon AQSh dollary.
Tsıntsınnatıdegi týrnırdiń qazirgi jeńimpazy — ıspanııalyq tennısshi Karlos Alkaras.
