Djohar Tsarnaevtyń qorǵaýshylary sot otyrysynyń bastalýyn 2015 jyldyń qyrkúıegine deıin shegermek
ASTANA. QazAqparat - Ótken jyly Boston marafony kezinde lańkestik jasady dep aıyptalǵan Djohar Tsarnaevtyń qorǵaýshylary sot otyrysynyń bastalýyn 2015 jyldyń qyrkúıegine shegerýge tyrysýda.
Bul týraly dúısenbi kúni Boston sotynda tanystyrylǵan qorǵaýshy jáne aıyptaýshy jaqtyń birikken baıandamasynda jazyldy. Qujatta prokýratýra ókilderi sot otyrysy 12 aptaǵa sozylýy múmkin dep atap ótken. Tsarnaevtyń kinási rastalsa, oǵan taǵylatyn jaza týraly sot tyńdalymy shamamen 6 aptaǵa deıin bolýy yqtımal.
Prokýrorlar habarlaǵandaı, olar sot otyrysyn 2014 jyldyń kúzinde bastaýǵa daıyn. Alaıda bul mezgil qorǵaýshylardyń kóńilinen shyqpady.
Aıta keteıik, 2013 jyldyń 15 sáýirinde Boston marafonynda eki jarylys oryn alyp, saldarynan 3 adam ajal qushty, 200-ge jýyǵy japa shekti. Keıin polıtsııa lańkesti jasaǵan eki kúdiktiniń izine shyǵyp, olar AQSh-ta zańdy túrde turyp jatqan Soltústik Kavkazdyń týmasy aǵaly-inili Tamerlan men Djohar Tsarnaevtar bolyp shyqty. Tártip saqshylarymen qaqtyǵys barysynda T. Tsarnaev qaza boldy. Al 19 jastaǵy D. Tsarnaev kóp uzamaı qolǵa túsken bolatyn.
