Djohar Tsarnaevtyń advokattary AQSh sotynan ol úshin túrmedegi rejımdi jeńildetýdi surap otyr
ASTANA. QazAqparat - «Bostondaǵy oqıǵanyń lańkesi» Djohar Tsarnaevtyń qorǵaýshylary sottan túrmede otyrǵan oǵan qoıylǵan shekteýlerdiń birazyn jeńildetýdi surap otyr. Bul týraly Rosbalt habarlady.
Olardyń dúısenbi kúni bergen ótinishterinde Tsarnaevtyń qazirgi túrmedegi jaǵdaıy protseske degen daıyndyqty qıyndatyp otyrǵany atap ótilgen. Jekeleı alǵanda, advokattardyń kóńili tolmaı turǵany - olardyń kúdiktimen arasyndaǵy kezdesýdi FBR-diń baqylaýǵa alǵandyǵy, dep habarlady ITAR-TASS.
Sonymen birge, qorǵaýshylar Túrmeler bıýrosy olardyń Tsarnaevpen aqyldasýǵa ákelgen barlyq elektrondyq qujattaryn kúshtep tekserip otyrǵandyǵyna narazy.
Osyǵan deıin, Djohar Tsarnaevtyń isi boıynsha sot qaraýy aǵymdaǵy jyldyń 3 qarashasynda bolady, dep habarlanǵan edi.
Eske sala keteıik, Djohar Tsarnaev 2013 jyldyń 15 sáýirinde Bostondaǵy marafon kezinde lańkestik uıymdastyrdy dep aıyptalyp otyr. Onda jarylys kezinde 3 adam qaza bolyp, 260-tan astam adam jaralanaǵan edi. Tergeý derekteri boıynsha, Djohar bul qylmysty óziniń aǵasy 26 jastaǵy Tamerlanmen jasaǵan. Al ol ustaý operatsııasy kezinde óltirildi.
