Djohar Tsarnaevqa 30 aıyp taǵyldy
ASTANA. 28 maýsym. QazAqparat - AQSh-tyń alqa soty Boston marafonyndaǵy jarylystarǵa kúdikti dep tanylǵan Djohar Tsarnaevqa resmı túrde taǵylǵan aıyptardy jarııalady.
Tsarnaevqa qarsy barlyǵy 30 aıyp taǵylyp otyr. Olardyń arasynda "qarý qoldanyp, kisi ólimine sebepker boldy" degen aıyp bar.
15 sáýirde Bostonda ótip jatqan marafon márege jaqyndap qalǵanda eki jarylys bolǵan edi. Jarylystan úsh adam qaza taýyp, 260 adam jaralanǵan. Djohar Tsarnaevtyń aǵasy Tamerlan Tsarnaev oqıǵadan soń tórt kúnnen keıin polıtsııamen bolǵan atysta oqqa ushty. Djohar jaralanyp, ustaldy.
Tergeý derekteri boıynsha, jarylys jasaý úshin aǵaıyndy Tsarnaevtar "ishine tez bólshektenetin bytyra salynǵan bomba" qoldanǵan. Tsarnaevtarǵa buǵan qosa "polıtseıdi óltirdi" degen de aıyp taǵylǵan.
Taǵylǵan aıyptar boıynsha Djohar Tsarnaev ólim jazasyna nemese ómir boıy túrmede otyrý jazasyna kesilýi múmkin, dep jazady «Azattyq».
