Djohar Tsarnaev ólim jazasyna kesilýi múmkin - AQSh Bas prokýrory
ASTANA. QazAqparat - 2013 jyly 15 sáýirde Bostondaǵy marafon kezinde jarylys uıymdastyrdy dep aıyp taǵylǵan Djohar Tsarnaevqa qatysty memlekettik aıyptaýshy ólim jazasyn talap etetin bolady. Mundaı sheshimdi AQSh-tyń Bas prokýrory Erık Holder qabyldady, dep habarlady Associated Press agenttigine silteme jasaǵan RBK.
Eske sala keteıik, ótken jyldyń 15 sáýirinde Bostondaǵy jyl saıyn ótetin marafon kezinde eki jarylys boldy. Bul oqıǵanyń saldarynan úsh adam qaza bolyp, 260 adam jaralandy. Djohar Tsarnaevqa 30 pýnkt boıynsha aıyp taǵyldy, onyń 17-ine AQSh-tyń zańy boıynsha ólim jazasy taǵaıyndalady. Buǵan deıin habarlanǵandaı, Tsarnaevqa qatysty sot protsesi bıylǵy jyldyń kúzinde bastalýy múmkin. Alaıda kúdikti ózine taǵylǵan aıyptyń birin de moıyndaǵan joq.
