Djohar Tsarnaev esin jıdy, tergeýshiler jaýap alýda
ASTANA. 22 sáýir. QazAqparat - Djohar Tsarnaev esin jıdy. Búginde odan tergeýshiler jaýap alyp jatyr. Tsarnaevtyń tamaǵy qatty zaqymdanyp, sóıleı almaıtyndyqtan, ol suraqtarǵa jazbasha túrde jaýap berýde.
Tergeýshiler qylmyskerden onyń tártip saqshylarmen qaqtyǵysta qaza bolǵan 26 jastaǵy aǵasy Tamerlan jóninde jáne Bostondaǵy lańkestikke qatysy bar ózge adamdar týraly jan-jaqty surastyrdy.
Sondaı-aq, quqyq qorǵaý organdary Tsarnaevty tutqyndaý kezinde onyń úıinen tabylǵan qoldan jasalǵan jarylǵysh qurylǵylardyń qalaı ázirlengendigin saraptamadan ótkizip jatyr.
Aıta keteıik, ótken aptada 15 sáýir, dúısenbi kúni ataqty Boston marafonynyń máre syzyǵynyń mańynda Bostondaǵy ortalyq kóshelerdiń birinde araqashyqtyǵy 12 sekýndty quraıtyn eki jarylys oryn aldy. Saldarynan oqıǵa ornynda 3 adam kóz jumdy, 180-nen astamy jaraqattandy. Kúdikti terrorshymen qaqtyǵys kezinde bir tártip saqshysy mert boldy.
