Djohar Tsarnaev Boston federaldyq soty aldynda jaýap berýdi bastady
ASTANA. QazAqparat - Boston federaldyq sotynda 2013 jylǵy 15 sáýirdegi marafon kezinde jasalǵan lańkestik áreketi úshin aıyptalǵan Djohar Tsarnaevqa qatysty sot protsesiniń sońǵy kezeńi boıynsha tyńdaýlar bastaldy. Aıyptalýshy Djohar Tsarnaev on jeti aıdyń ishinde kópshilik aldyna birinshi ret shyqty, dep habarlady dw.de «AFP»-ǵa silteme jasaı otyryp.
Tergeý qorytyndylary boıynsha, aıyptalýshy Tsarnaev pen onyń aǵasy Tamerlan AQSh-ta 2001 jyldyń 11 qyrkúıeginen keıin bolǵan eń iri lańkestik áreketti josparlap, iske asyrdy. Qylmys saldarynan úsh adam qaza taýyp, 264 adam jaraqattandy. Tamerlan Tsarnaevty ustaý kezinde polıtseılerdiń qolynan qaza tapty. 21 jastaǵy Djohardyń kinási dáleldense, ólim jazasyna kesilýi múmkin.
Djohar Tsarnaev jalpy alǵanda AQSh-tyń 30 federaldyq zańyn buzǵany úshin aıyptalyp otyr. Alaıda, ol ózine taǵylǵan kinániń eshqaısysyn moıyndap otyrǵan joq. Aldyn ala tyńdaýlarda alqa bıler sotyn tańdaý protsesi, sonymen qatar, sot otyrysyn Bostonnan Vashıngtonǵa aýystyrý jaǵy da talqylanyp jatyr.
Іsti qaraý 2015 jyldyń 5 qańtarynda bastalýy tıis.
