Djoel Dıaz: Golovkın úzilis jáne taım-aýt degendi bilmeıdi
ASTANA. QazAqparat - Amerıkalyq boksshy kishi Djoel Dıaz WBA (Super), IBO jáne WBC Interim tujyrymdary boıynsha orta salmaqtaǵy chempıon, qazaqstandyq boksshy Gennadıı Golovkınmen (32-0, 29 KO) birge jattyǵýda jáne chempıonnyń daıyndyqtaǵy eńbekqorlyǵyna tamsanýda, delingen Golovkınniń VKontakte áleýmettik jelisindegi GGG resmı paraqshasynda.
Onyń sózine qaraǵanda, qazaqstandyq boksshy jattyǵý barysynda demalý, az ýaqytqa aptyǵyn basý degendi bilmeıdi.
«Mende dene daıyndyǵynan óte aýyr jattyǵýlar ótti. Genamen jumys isteý - arman, biraq ol úzilis jáne taım-aýt degendi bilmeıdi!», - dep málim etti kishi Dıaz. Eske sala keteıik, Gennadıı Golovkın 16 mamyrda ótetin jekpe-jekke daıyndalýda. Onyń qarsylasy - amerıkalyq kishi Vıllı Monro.
