Djoan Roýlıng shytyrman romanyn búrkenshik atpen jazdy
ASTANA. 14 shilde. QazAqparat - Belgili jazýshy Djoan Roýlıng The Cuckoo's Calling shytyrman romanyn Robert Gelbreıt degen búrkenshik atpen shyǵarǵanyn moıyndady, dep habarlady Ýtro.rý.
Garrı Potter týraly serııaly kitaptar avtorynyń jańa romany osy jylǵy sáýir aıynda shyqty. Onda jazýshy soǵys ardageri, jeke iz kesýshi Kormoran Straıktiń balkonnan qulap ólgen modeldiń jumbaq ólimin teksergenin baıandaıdy. Roman buǵan deıingi Roýlıngtiń «Kezdeısoq bos oryn» dep atalatyn kitaby shyqqan baspadan basylyp shyqqan. Qazirgi kezde jańa kitaptyń 1,5 myń danasy satylyp ketti.
