Djoan Roýlıng Garrı Potterdi teatrlandyrmaq
ASTANA. QazAqparat - Qoıylym 7 romandy birdeı qamtymaıtyn bolady. Garrı Potterdiń Hogvartsqa deıingi ómiri, ıaǵnı áke-sheshesimen keshken qysqa ǵumyry negizge alynady.
Teatrlyq kórsetilimniń rejısseri - Djon Tıffanı bolady dep kútilýde. Djon Londondaǵy «Apollo» teatrynda «Jiber meni» dep atalatyn vampırlik erteginiń qoıylymyn jasaǵan. Al Brodveıde (Nıý-Iork) onyń júrip jatqan «Jansyz aıýanhana» atty qoıylymy Tonı marapatynyń jeteýin ıemdendi. Al jobanyń prodıýseri - brodveılik kassalardyń bıýdjetterin toltyrýshy Sonıa Frıdman bolady, dep jazady massaget.kz.
Oqyrmandar Garrı Potterdiń álemin taǵy da keńeıtýdegi jańa joba bastamasyn oń kórip, qoldaý bildirýde. Budan basqa, Djoan Roýlıng Halyqaralyq Kvıddıch birinshiliginde bergen suhbatynda kitaptyń jalǵasyn jazý oıynda bar ekenin aıtqan bolatyn. Sol sebepti oqyrmandar Roýlıngten jaqsy jańalyq esitýdi asyǵa kútýde. Al qazirge bestseller avtorynyń ózge de kitaptarynyń jelisi boıynsha birneshe kınojoba bastalyp ketken. Aıta ketsek, «Fantastıkalyq janýarlar jáne olardyń ómir súretin aımaǵy» eńbeginiń túsirilimi men «Kezdeısoq demalys» romany boıynsha telehıkaıanyń ekranızatsııasy júrip jatyr.
