Djo Baıdenniń jeke dárigeri onyń hal-jaǵdaıy týraly málimet taratty

BRıÝSSELЬ.QazAqparat - AQSh prezıdentiniń dárigeri Kevın O'Konnor Aq úı basshysynda COVID-19 belgileri azaıyp bara jatqanyn aıtty. Jáne de ol Djo Baıden koronavırýstyń BA.5 nusqasymen aýyrǵan bolýy múmkin dep sanaıdy, dep habarlaıdy QazAqparat tilshisi.

AQSh prezıdentiniń dárigeri men onyń komandasy Djo Baıdenniń aýrý belgileri azaıǵanyn anyqtady. Jeke dáriger, doktor Kevın O'Konnordyń sońǵy málimdemesine sáıkes, prezıdent Djo Baıdenniń COVID-19 belgileri «Pakslovıd» preparatyn qabyldaǵannan keıin jaqsara bastaǵan.

«Qazir Djo Baıdende tamaq aýrýy, tumaý, jótel men deneniń álsizdigi bar», - dedi dáriger O ' Konnor senbidegi málimdemesinde. Aldyn ala nátıjeler Djo Baıdende vırýstyń BA.5 jańa nusqasy bolýy múmkin ekenin kórsetedi. BA.5 vırýsy qazirgi ýaqytta AQSh-taǵy jańa ınfektsııalardyń 80% quraıdy.

Dárigerdiń aıtýynsha, prezıdenttiń tamyr soǵysy, qan qysymy, tynys alý jıiligi, ottegi deńgeıi qalypty kúıde.

Aq úıdiń habarlaýynsha, AQSh prezıdenti synaqtary teris nátıje bermeıinshe oqshaýlanyp jumys isteıtin bolady.

Foto: tass.ru