Djo Baıdenniń AQSh prezıdenti saılaýyna qatysýy yqtımal
ASTANA. QazAqparat - AQSh-tyń vıtse-prezıdenti Djozef Baıden elde joǵary qyzmet úshin jarys jolyna túsýi múmkin, dep habarlady The New York Times basylymy.
Baıdenniń keńesshileri men jaqyn júrgen adamdary prezıdenttik naýqandy ótkizý málimetterin jınap jatyr. Hıları Klıntonmen kelise almaǵan demokratııalyq partııa músheleri jáne demeýshilermen kezdesýler ótkizilýde, dep jazady sheteldik basylym. Partııa qatarynda Klıntonnyń tabysqa jetetinine senimsizdik bildirip otyrǵan tulǵalar bar.
Sarapshylardyń pikirinshe, prezıdenttik básekege qosylý jaǵdaıdy ózgertýge múmkindik beredi, sebebi qazirgi kezde Hıları demokratııalyq partııanyń kóshbasshysy bolyp tabylady.
Basylym Baıdenniń kandıdatýrasyn usynýyna onyń aýyr dertten qaıtys bolǵan balasy Bo ıtermelegenin atap ótti. AQSh-tyń vıtse-prezıdentine Hıları Klıntonnan ozý úshin barynsha kúsh salý qajet, óıtkeni ol 72 jasta.
