Djo Baıden Sırııa men Túrkııadaǵy jer silkinisinen zardap shekkenderge $50 mln aýdarady

VAShINGTON. TASS-QazAqparat - AQSh prezıdenti Djo Baıden Sırııa men Túrkııadaǵy jer silkinisinen zardap shekken bosqyndar men mıgranttarǵa Federaldy tótenshe kómek qorynan 50 mıllıon dollar jiberý jóninde sheshim qabyldady. Bul týraly juma kúni Aq úı taratqan memorandýmda aıtylǵan, dep habarlaıdy QazAqparat TASS agenttigine silteme jasap.

AQSh prezıdenti «2023 jylǵy aqpanda Túrkııa men Sırııada bolǵan jer silkinisinen bosqyn jáne mıgrant bolǵandardyń shuǵyl qajettilikterin qanaǵattandyrý maqsatynda, onyń ishinde halyqaralyq jáne úkimettik emes uıymdarǵa gýmanıtarlyq kómek kórsetý úshin jarna men basqa da kómek arqyly qordan 50 mln dollardan aspaıtyn kólemde kómek kórsetý ulttyq múdde úshin mańyzdy dep sanaıtynyn» atap ótti.

7,7 jáne 7,6 balldyq jer silkinisi 6 aqpanda Túrkııanyń ońtústik-shyǵysyndaǵy Kahramanmarash provıntsııasynda toǵyz saǵattyq ıntervalmen boldy.

Jer asty dúmpýleri, sodan keıingi júzdegen aftershok respýblıkanyń 10 provıntsııasynda jáne kórshi elderde, sonyń ishinde eń kóp zardap shekken Sırııada sezildi.

20 aqpanda Hataı provıntsııasynda magnıtýdasy 6,4 jáne 5,8 bolatyn eki zilzala boldy.

Túrkııada qurban bolǵandar sany 44 218 adamdy qurady.