Djo Baıden Rım Papasyn Bostandyq medalimen marapattady

ASTANA. KAZINFORM — Senbide AQSh prezıdenti Djo Baıden Rım Papasy Frantsıskpen kezdesip, ony Bostandyq medaliniń laýreaty dep jarııalady.

Aqúıdiń habarlamasynda aıtylǵandaı, Bostandyq medali — bul Amerıka Qurama Shtattarynyń órkendeýine, qundylyqtaryna nemese qaýipsizdigine, bitimgershilik kelisimine nemese basqa da mańyzdy qoǵamdyq, memlekettik nemese jeke isterge erekshe úles qosqan adamdarǵa beriletin eldiń eń joǵary azamattyq nagradasy.

Bul prezıdent Baıdenniń «Bostandyq medalin» birinshi ret tabystaýy.

— Jas kezinde Horhe Bergolo ǵylym salasynda mansapqa umtyldy, biraq nanym-senimi ony ıezýıttermen birge ómirge jeteledi. Ondaǵan jyl boıy ol búkil Argentınada qorǵansyz jáne osal adamdarǵa qyzmet etti. Rım Papasy Frantsısk retinde onyń kedeılerge qyzmet etý mıssııasy toqtaǵan joq. Súıispenshilikke toly dinı qyzmetker retinde ol balalardyń Qudaı týraly suraqtaryna qýana jaýap beredi. Talapshyl ustaz retinde ol bizdi álem úshin kúresýge jáne ǵalamshardy qorǵaýǵa shaqyrady. Álemdik kóshbasshy retinde ol ártúrli senimderdiń ókilderine qolyn sozady. Ońtústik jarty shardaǵy alǵashqy pontıfık retinde Rım Papasy Frantsısk burynǵylardyń eshqaısysyna uqsamaıdy. Biraq bárinen buryn ol halyqtyń ákesi — búkil álemde jarqyraǵan senim, úmit jáne mahabbat nury, — dep jazdy Djo Baıden.

Eske salsaq, buǵan deıin Djo Baıden Kalıfornııadaǵy orman órtine baılanysty Italııaǵa saparyn keıinge shegergenin habarladyq.