Djo Baıden Mıssýrıdegi Demokratııalyq praımerızde jeńiske jetti

ASTANA. KAZINFORM —Shtattyń Demokratııalyq partııasynyń keńsesi bul týraly senbi kúni saılaý ýchaskeleri jabylǵannan keıin birneshe kún ótken soń habarlady. AQSh prezıdenti Djo Baıdenniń jeńisi kúmán týdyrǵan joq, biraq sarapshylar áli de saılaýshylardyń praımerızge qatysýy men narazylyq daýys berý belgilerin jiti baqylap otyr, dep habarlady Amerıka daýysy.

Mıssýrıdegi senbi kúngi saılaý 2022 jyldyń tamyzynda jańa zań kúshine engennen bergi partııanyń birinshi prezıdenttik saılaýy boldy.

Partııa daýys berýge 20 myńǵa jýyq saılaýshy qatysqanyn habarlady.

Esterińizge sala keteıik, AQSh-taǵy saılaý 2024 jyldyń 5 qarashasyna belgilengen. Djo Baıden men Donald Tramp Djordjııa, Mıssısıpı jáne Vashıngton shtattaryndaǵy ishki partııalyq saılaý nátıjeleri boıynsha AQSh prezıdenttik saılaýyna úmitker atandy. Tramp — AQSh prezıdenttigine Respýblıkalyq partııadan jalǵyz úmitker.