Djo Baıden Gazada alty aptalyq bitimge kelýge shaqyrdy
ASTANA. KAZINFORM — AQSh prezıdenti Izraıl men HAMAS-tyń Gaza sektoryndaǵy soǵys qımyldaryna alty aptalyq úzilis jasaýǵa shaqyrdy. Baıdenniń pikirinshe, bul uzaq merzimdi beıbitshilik jolyndaǵy alǵashqy qadam bolýy múmkin, dep habarlaıdy DW aqparat agenttigi.
Amerıkalyq kóshbasshynyń bul málimdemesi dúısenbi, 12 aqpan kúni Vashıngtonda Iordanııa koroli Abdalla II-men kelissózderden keıin jasaldy.
Baıdenniń aıtýynsha, AQSh ázirlep jatqan Gaza sektoryndaǵy alty aptalyq bitim bir jaǵynan ızraıldik kepilge alynǵandardy bosatýǵa kómektesse, ekinshi jaǵynan shaıqas bolǵan aımaqtaǵy beıbit turǵyndarǵa jetkiziletin gýmanıtarlyq kómek kólemin ulǵaıtýy múmkin. AQSh prezıdentiniń aıtýynsha, mundaı ýaqytsha bitim aımaqta turaqty beıbitshilik ornatý jolyndaǵy alǵashqy qadam bolýy múmkin.
Abdýlla II óz kezeginde Gaza sektoryndaǵy soǵysty dereý toqtatýǵa shaqyrdy.
«Biz munyń jalǵasýyna jol bere almaımyz. Bizge qazir uzaq merzimdi atysty toqtatý kerek. Soǵys aıaqtalýy kerek», — dedi Iordanııa. monarhy. Ol soǵystyń jalǵasýy gýmanıtarlyq apatqa qaýip tóndiretinin qosyp ótti. Sondaı-aq II Abdýlla Palestınanyń eki aımaǵy — Iordan ózeniniń batys jaǵalaýy men Gaza sektoryn saıası jaǵynan bólýdi «qabyldaýǵa bolmaıtyn» dep aıtty.
