Djo Baıden AQSh-ta pandemııamen kúrestiń jańa erejesin engizbek
VAShINGTON. QazAqparat – AQSh aýrýlardy baqylaý jáne aldyn alý ortalyǵy elde 15,7 mıllıonnan astam koronavırýs vaktsınasy jasalyp, vaktsınanyń 31 mıllıonnan astam dozasy vaktsınatsııa pýnktterine jetkizilgenin habarlady, dep jazady QazAqparat BBC-ge silteme jasap.
Ókinishke qaraı, AQSh naýqastardyń sany boıynsha birinshi orynda. Sol sebepti jańadan saılanǵan prezıdent Djo Baıden ınaýgýratsııadan keıin jaǵdaıdyń baqylaýdan shyǵýyna nemese shıelenisýine jol bermeıtinin aıtty.
Aq úı ákimshiliginiń jańa basshysynyń aıtýynsha, bılikte bolǵan alǵashqy kúnderi Baıden pandemııamen kúresýdiń jańa erejelerin jarııalaýǵa nıetti. Atap aıtqanda, «100 kúndik maska synaǵy» («100 Day Masking Challenge») bastalady.
Bul ýaqytta maska kııý barlyq federaldy nysandar aýmaǵynda, sondaı-aq memleketter shekarasyn kesip ótý kezinde mindetti bolady. Buǵan deıin Baıden Vashıngtonda ótken koronavırýstan qaıtys bolǵan 400 myńnan astam amerıkalyqty qurmetpen eske alý rásimine qatysty.
