Djo Baıden aqbas búrkitti ulttyq qus dep taný týraly zańǵa qol qoıdy

ASTANA.KAZINFORM - AQSh prezıdenti Djo Baıden aqbas búrkitti ulttyq qus dep taný týraly zańǵa qol qoıdy. Bul týraly seısenbi kúni Aqúı taratqan málimdemede aıtylǵan, dep habarlaıdy TASS.

— Dúısenbi, 23 jeltoqsan kúni Prezıdent Amerıka Qurama Shtattary Kodeksiniń 36-taraýyna túzetýler engizetin jáne búrkitti ulttyq qus dep jarııalaıtyn zańǵa qol qoıdy, — delingen Aqúı málimdemesinde.

Aqbas búrkit 1782 jyldan bastap AQSh rámizderiniń biri sanalady, onyń beınesi eltańbada, prezıdenttik standartta, banknottarda jáne basqa da memlekettik atrıbýttarda, sondaı-aq ulttyq korporatsııalardyń logotıpterinde qoldanylady. Sol jyly Kongress bul jyrtqysh qusty ulttyq sımvol retinde bekitti, biraq osy ýaqytqa deıin Amerıka Qurama Shtattarynyń ulttyq qusy bolǵan joq, óıtkeni Amerıka zańdarynyń kodeksinde mundaı tarmaq joq.